questions-about-school 25條創意問題了解子女在學校的情況
文﹕Katy

孩子每天放學,我們都想知道他們在學校的情況:今日開心嗎?小息和同學做甚麼?可是問題都是千篇一律,小朋友都不願回答。

曾任高中教師的美國媽媽Liz Evan設計了25條輕鬆、有趣、全面的問題,並上載到網誌與其他家長分享,反應熱烈,大家紛紛「偷師」。舉例說第12題,詢問為何希望該同學被外星人帶走,可引導子女為何不滿,家長可因應情況提供協助,更重要是了解自己的孩子。你也不妨試試吧!

25條問題如下:

1.今日喺學校遇到最好嘅事係乜?(或遇到最壞嘅事係乜?)
2.
話我知今日有乜嘢令你笑不停?
3.
如果有得揀,你最想邊個同學坐你隔離?(或者最唔希望邊個坐你隔離?)
4.
學校邊個地方最吸引呢?
5.
話我知你今日聽過最古怪嘅詞語係乜?(或從某人聽過最古怪嘅事?)
6.
如果今晚我打電話俾老師,你估老師會同我講你啲乜呢?
7.
你今日點樣幫助人?
8.
人哋今日點樣幫你呀?
9.
講一樣你今日學到嘅新嘢?
10.
今日邊個時間最開心?
11.
今日邊個時間最悶?
12.
如果有太空船去到班房要捉走一個人,你想邊個俾外星人捉走?
13.
有邊個同學仔你未同佢玩過,好想小息搵佢一齊玩?
14.
話我知今日發生過乜嘢好事?
15.
邊個詞語老師今日講得最多?
16.
你覺得有乜嘢你要喺學校做/學多啲?
17.
你覺得有乜嘢你要喺學校做/學少啲?
18.
你覺得要對邊個同學好啲?
19.
小息時你通常去邊度玩?
20.
邊個同班同學最得意?點解係佢?
21.
午餐最鍾意食乜?
22.
如果聽日你係老師,你會做乜?
23.
班上有邊個同學仔要罰佢冷靜下?
24.
如果有得調位,你最想同邊個調?
25.
今日你分別三次用鉛筆做過啲乜?